Asasinato machista en Castelldefels
Foron asasinadas a muller e as súas dúas crianzas. O home suicidouse posteriormente.
Máis un feminicidio esta quinta feira. Desta volta en Castelldefels (Barcelona). O presunto asasino suicidouse após matar a compañeira e dúas crianzas, de 7 e 10 anos, segundo a información difundida pola axencia de noticias EFE.
A investigación continúa aberta e baixo segredo de sumario.
No conxunto do Estado español a cifra oficial de asasinatos machistas ascende a 23 de acordo coas estatísticas rexistradas polo Ministerio de Sanidade.
Segundo as informacións difundidas por Antena3 a veciñanza tería alertado en varias ocasións a policía española e os Mossos d'esquadra perante os "berros e insultos" que se escoitaban no interior da vivenda. Porén, nunca actuaron.