A aplicación Radar Covid, por fin accesíbel en galego
18 de setembro de 2020 (20:29 h.)
Desde agora, a aplicación Radar Covid, posta en marcha desde o Goberno estatal para facilitar o rastrexo de contactos para controlar os contaxios, pode descargarse na súa versión en galego
A aplicación amplía así os idiomas dispoñíbeis, despois da mobilización social desatada para reclamar que a ferramenta poida ser empregada en todas as linguas oficiais do Estado español.
Desde hoxe, tamén é posíbel descargar Radar Covid en euskera, ademais de en galego.
Até a data, a app só daba a posibilidade de empregarse en castelán, catalán e inglés.
A exclusión do galego motivou, o pasado mes de agosto, unha iniciativa parlamentaria do deputado do BNG Néstor Rego, na que se apelaba aos dereitos lingüísticos das persoas galegofalantes a recibir a información sanitaria na súa propia lingua.