476 incidencias, sen gravidade, no San Xoán
Os servizos de emerxencias de toda a Galiza tiveron que atender na noite e a madrugada de San Xoán un total de 476 de incidencias relacionadas, principalmente, con consumo de alcol e drogas, pelexas, queimaduras e algunha cacharela que escapou de control, pero sen que ningún suceso revestise especial gravidade.
Segundo o balance que fai o 112 Galiza, a central de emerxencias recibiu 1.935 chamadas que xeraron ese case medio milleiro de asistencias de diversa tipoloxía.
Este San Xoán 2023, entre a noite do 23 de xuño e as primeiras horas do sábado 24, estivo marcado polas incidencias de carácter sanitario (154), as pelexas nas que tiveron que intervir as forzas e corpos de seguridade do Estado (70), os accidentes de tráfico (13), incendios relacionados con fogueiras ou colectores (4) e, incluso, de carácter urbano (4).
Vigo foi a cidade galega que máis incidencias rexistrou, con 26. A Coruña (30), Nigrán (24), Santiago (12) e Pontevedra (9) completan a listaxe de municipios cun maior número de sucesos rexistrados polo 112 Galicia.
A central do número único de emerxencias rexistrou algún aviso por lumes que se escapaban de control. En Aguiño, Ribeira, pouco antes de medianoite, uns veciños chamaban para informar de que unha fogueira se lles fora das mans, aínda que finalmente eles mesmos foron capaces de paliar a situación.
Cifras do 061
Pola súa banda, cifras de Urxencias Sanitarias de Galiza-061 concretan que os seus efectivos asistiron entre as 21 horas da noite e as 9 horas da mañá un total de 76 intoxicacións etílicas ou por drogas, seis accidentes de tráfico e nove queimaduras.
En todos estes incidentes, 53 dos afectados foron atendidos no propio lugar, sen requirir traslado, mentres que en 23 ocasións si houbo que facer algunha derivación.
Ademais, as fogueiras deixan polo menos nove queimaduras que tiveron que ser atendidas polo 061. En todas estas ocasións, houbo que trasladalos a un centro hospitalario.
Con todo, segundo fontes do 112, non houbo que lamentar queimaduras de carácter especialmente na celebración deste San Xoán 2023. Polo menos, dúas persoas resultaron no municipio de Ares, unha delas tras caer de costas nunha 'cacharela' sobre as 23.40 da noite. Ás 6 horas da mañá, en Miño, unha persona avisaba dunha queimadura nos pés.
No que respecta aos accidentes de tráfico, o 061 rexistrou sete persoas atendidas en seis sinistros. Do total de feridos asistidos, cinco tiveron que ser derivados a centros sanitarios, mentres que os dous restantes non o necesitaron.