Twitter. Gorida dos pedófilos

A mediados do ano 2019 comezou esta investigación sobre o uso que os pedófilos fan da rede social Twitter e que agora ve a luz, logo de que os seus achados pasasen polas mans da Policía Nacional e da propia Twitter España, malia que resulta de xustiza destacar que este mal, oculto e silenciado, non é exclusivo de Twitter, pois as denuncias sobre este asunto repítense ano tras ano en todo o mundo noutras plataformas como Facebook, Youtube, Telegram, WhatsApp, Instagram ou Tik Tok. Pese a que, lamentabelmente, este é un fenómeno global, nestas liñas debúllase a rede tecida por pedófilos de fala hispana aproveitándose das facilidades que ofrece Twitter e das características do seu algoritmo. Estes empregan unha serie de etiquetas ou hashtags como vehículo de entrada que, en moitas ocasións, nin sequera teñen que introducir ao completo no buscador, pois este suxíreos automaticamente. Loxicamente, aquí non se revelará ningún deses termos, pero algúns deles son tan esclarecedores que inclúen as variantes de idade das ou dos menores que desexan observar (17, 16, 15, 14, 13, 12...). Unha vez dentro do hashtag correspondente, as publicacións que ofrecen como resultados da procura desa etiqueta inicial adoitan ir acompañadas doutras do mesmo contido e, o que é aínda peor, o propio Twitter suxíreas no seu apartado 'Buscas relacionadas', que a través do seu algoritmo propón cousas como "nenas de secundaria", "putiñas de secu" ou "packs de secundaria". Este último concepto, o dos packs de fotografías e vídeos, é un dos máis empregados polos pedófilos, xa sexa mediante fontes primarias ou secundarias, é dicir, sendo postos á venda polos propios nenos ou nenas menores ou ben por outros pedófilos a cambio dunha recompensa económica. Para chegar a un acordo entre comprador e vendedor, usan a ferramenta de mensaxes directas e privados entre usuarios de Twitter, e para a fechar a transacción económica, ferramentas virtuais como Paypal. O peso da súa difusión cae, unha vez máis, nos hashtags, que empregan para obter unha maior visibilidade. Unha simple procura cruzada no buscador das palabras "packs" e "Paypal" revela miles de resultados tan só nos últimos días ofrecendo os devanditos packs, algúns deles, presumibelmente, con material erótico ou pornográfico protagonizado por menores de idade. Resulta moi ilustrativo ver quen premeu o botón de like ou 'Gústame' nesta última publicación, pois moitas delas caracterízanse por estar "protexidas" -por empregar o termo que utiliza Twitter oficialmente-, é dicir, ocultan a súa actividade, limitando a súa visibilidade ás persoas que autorizan. 'Hashtags', 'likes', comentarios... todo vale Mais os hashtags unicamente son unha porta de entrada. Os pedófilos crearon outros códigos para comunicarse entre eles e transmitirse o material de menores a través dos likes ou 'Gústame', dos rechouchíos e dos comentarios. Así, un usuario que acceda a algunha das etiquetas nas que se pode atopar habitualmente este tipo de contidos atoparía no seu momento unha publicación -xa eliminada da rede, así como o usuario que a publicou, logo de que Twitter e a Policía fosen alertadas por este xornal- na que un home aseguraba "acabar de romperlle o cu" á súa "sobrinita", texto que ía acompañado dun vídeo do acto sexual. Nos comentarios, outra persoa indagaba sobre a idade da rapaza que protagonizaba as imaxes, respondendo o primeiro que se trataba dunha "nena, moi puta, por certo". Resulta moi ilustrativo ver quen premeu o botón de like ou 'Gústame' nesta última publicación, pois moitas delas caracterízanse por estar "protexidas" -por empregar o termo que utiliza Twitter oficialmente-, é dicir, ocultan a súa actividade, limitando a súa visibilidade ás persoas que autorizan, feito este simbolizado cun cadeado, o que impide ademais do visionado dos seus chíos, saber a que lle dá like ou coñecer as contas que seguen. Pero outras moitas, polo contrario, estaban abertas ao público. Unha delas, tamén afortunadamente desaparecida xa a día de hoxe, definíase na súa biografía cun explícito "13 anos. Manden vídeos masturbándose coas miñas fotos". Varias das publicacións desta conta -supostamente radicada en Bos Aires, creada en agosto de 2019 e que permaneceu varios meses en liña- eran planos curtos das partes sexuais e sen pelo corporal dunha moza de idade curta aínda que indeterminada, acompañados de textos onde a súa suposta protagonista aseguraba ser menor de idade. Todo isto acompañado por numerosos comentarios doutros usuarios en cada entrada nos que lle solicitaban máis material ou, directamente, entrar en contacto con ela, a maioría anonimamente, pero algúns empregando incluso o seu nome real e a cara descuberta, mesmo ensinando o seu posto de traballo na foto de perfil. Este último é o caso de Jhon Harold Orjuela, traballador de seguridade privada do que unha rápida procura ao seu nome en Google revela, entre outros datos, que reside en Bogotá e que entre os anos 2011 e 2016 foi estudante na Dirección Nacional de Escolas da Policía Nacional de Colombia. A diferenza dalgúns dos perfís anteriormente mencionados, este continúa en activo e coas mesmas prácticas a día de hoxe. Con todo, a de Orjuela non é a única conta dentro deste círculo perverso de likes e 'Gústame' que continúa en activo. Outra delas destaca por difundir imaxes de rapazas orientais de idade aparentemente moi curta que, cadrando o círculo dos pedófilos, contaba con múltiples likes do usuario que aseveraba ter violado a súa sobriña. Algúns, conscientes do ilegal e o repulsivo do seu accionar a todos os niveis, mesmo teñen o descaro de deixar claro na súa biografía que a súa é unha "conta para adultos" e que "se non che gusta, ignora, pero non reportes", para tratar de evitar así que os usuarios e usuarias denunciasen a publicación a través do sistema habilitado a tal efecto por un Twitter que volvía facer das súas recomendando o seguimento de contas de pornografía infantil baixo o sinistro epígrafe de "Poderíache gustar". Os algoritmos "están optimizados non para o que nós pensamos, é dicir, ler cousas que nos dean a razón, senón única e exclusivamente para que sigamos pegadas ao teléfono, para expandir o noso tempo de contacto coa aplicación", explica a xornalita marta Peirano. O problema dun algoritmo optimizado para enganchar A xornalista Marta Peirano, unha das maiores expertas no conxunto do Estado español en cuestións relativas á privacidade e a seguridade en internet e autora de O inimigo coñece o sistema (Kalandraka, 2019), cuestionada por Sermos Galiza sobre como é posíbel que se produzan situacións tan grotescas como que sexa o propio algoritmo de Twitter quen suxira contas con temática pedófila, aclara que eses algoritmos "están optimizados non para o que nós pensamos, é dicir, ler cousas que nos dean a razón, senón única e exclusivamente para que sigamos pegadas ao teléfono, para expandir o noso tempo de contacto coa aplicación". Porén, isto non explica como é posíbel que as ducias, centos ou mesmo miles de publicacións que suben un gol calquera de -por exemplo- Benzema para o Real Madrid na Liga ou na Champions sexan eliminadas sistematicamente en cuestión de minutos -en ocasións incluso segundos- e, polo contrario, Twitter acolla nos seus servidores contidos pedófilos con anos de antigüidade e que permanecen en liña a pesar de ter ás súas costas centos de reportes. Para Peirano, todo é "cuestión de prioridades". "As principais plataformas solucionaron o tema das violacións do copyright enseguida, síntoma de que teñen outras prioridades, e a propiedade intelectual é unha delas, pois hai unha industria xigantesca facendo lobby para que sexa así. Por iso enseguida desaparecen partidos de fútbol ou cancións da rede e non tanto eses contidos pedófilos, vídeos torturando animais, ou os que se xeran de modo automático en Youtube Kids -denunciado en 2017 no famoso texto de James Bridle Something is wrong on the internet-, que deixan ás crianzas petrificadas diante da pantalla ante o horroroso e o surrealista de ver cabezas rotas, rodando...", apostila. As preguntas sen resposta que deixa Twitter No seu informe bianual de transparencia, Twitter destaca que entre xaneiro e xuño de 2019 se suspenderon 244.188 contas por violacións relacionadas con explotación sexual infantil, e que 91% do total dos casos foron identificados a través "dunha combinación de solucións tecnolóxicas, incluíndo PhotoDNA e ferramentas internas propias". A pesar de que a compañía declinou a posibilidade de facer declaracións para esta reportaxe, extraoficialmente, e logo de repasar o dossier entregado por este medio á firma tecnolóxica, unha persoa traballadora que non desexa ser identificada defendeu a súa política de "tolerancia cero coa explotación sexual infantil e con calquera material que mostre ou promocione eses actos", que considera como "un dos incumprimentos máis graves das regras de Twitter", até o punto de mesmo "eliminar contas que comparten ese tipo de material con afán de denuncia", pois pensan que "contribúe á utilización dos nenos e nenas representados". Polo demais, este silencio do xigante da comunicación deixa sen resposta varias preguntas fundamentais. En primeiro lugar, e se tal e como afirma nas súas normas públicas, a consecuencia de violar as súas políticas publicando fotos ou vídeos eróticos ou pornográficos protagonizados por menores é a expulsión inmediata e permanente da plataforma... como pode levalo a cabo? Non bastaría con abrir outra conta empregando un remitente de correo electrónico diferente, ou sistemas para eludir os mecanismos de control das direccións IP como unha Rede Privada Virtual ou VPN? Recoñece Twitter que ten un problema coa pornografía infantil na súa plataforma? A reposta non está clara, pois se ben en xaneiro de 2021 saía á luz pública un escándalo en Florida logo de que non eliminase unhas imaxes protagonizadas por un menor vítima de chantaxe, recentemente a Policía española detivo 15 persoas por feitos similares logo de ser alertada pola propia compañía Segunda, e aínda que xa se apuntou a causa máis plausíbel, por que o algoritmo de Twitter suxire hashtags e contas de pornografía infantil? Terceira, como combate Twitter a venda dos denominados packs de pornografía infantil por parte das propias nenas ou nenos e dos pedófilos, operación na que a plataforma exerce como intermediaria dunhas transferencias que non poucas veces se consuman por Paypal? Cuarta: como é posíbel que unha acción puntual dun partido de fútbol sexa eliminada aos poucos minutos de ser subida e, polo contrario, publicacións con contido pedófilo teñan semanas, meses e incluso anos de antigüidade? Todas estas cuestións, como os Mandamentos, poden resumirse nunha que, polo de agora, seguirá no aire: recoñece Twitter que ten un problema coa pornografía infantil na súa plataforma? A reposta non está clara, pois se ben en xaneiro de 2021 saía á luz pública un escándalo en Florida logo de que non eliminase unhas imaxes protagonizadas por un menor vítima de chantaxe, recentemente a Policía española detivo 15 persoas por feitos similares logo de ser alertada pola propia compañía.