Mulas Granado usaba un pseudónimo falso para cobrar artigos á fundación que el mesmo dirixía
Mulas Granado usaba un pseudónimo falso para facturar a venda de artigos a fundación que el mesmo dirixía.
O economista foi cesado polo presidente da Fundación Ideas, o ex ministro Jesús Caldera, após o diario El Mundo publicar que cobraba da fundación por artigos dunha escritora falsa, Amy Martín. Disfrazado con esa identidade fantasma Mulas Granado chegou a cobrar até 3.000 euros por un artigo.
De acordo co que publica Esquerda.Net, Mulas Granado é coautor dun informe do FMI a prol das políticas de recortes brutais contra o Estado do benestar en Portugal.
O salario de Mulas Granado como director da Fundación Ideas roldaba os 5.000 euros mensais. Non contento con iso, obtiña un sobresoldo polo procedimento de colocar á súa propia empresa artigos supostamente redixidos pola escritora Amy Martín.
Mulas Granado foi subdirector do gabinete económico da Moncloa no primeiro goberno Zapatero.