Por Coruña comeza os seus actos de campaña no barrio dos Mariñeiros da man do seu candidato, José Manuel Sande

José Manuel Sande, candidato de Por Coruña, a coalición de unidade conformada por Podemos, EU, Alianza Verde e independentes, comezou esta sexta feira os actos de campaña coa participación no primeiro mitin no barrio dos Mariñeiros.

Sande apelou á mobilización cidadá o vindeiro día 28 para facer realidade o dereito á vivenda digna, con propostas programáticas como duplicar o parque de vivendas en 400 novos pisos de alugueiro taxado para a mocidade, familias e colectivos en situación de vulnerabilidade.

Intervencións

Nas intervencións tamén se avanzou o compromiso de humanizar o propio parque onde se desenvolveu o mitin, a partir da instalación de espazos de sombra e equipamentos deportivos para a mocidade.

“Non pode ser”, lembrouse, “que as nenas e nenos esteann á solaina de maniera permanente, co risco para a súa saúde que isto supón”.

“Unha cidade que coida a súa xente”

O barrio ten que ser tido en conta, sinalou Sande, e por iso “Por Coruña comprométese cunha cidade que coide das súas xentes, sen importar o número do Código Postal”.

O acto transcorreu na praza infantil dos Mariñeiros e participaron tamén Isabel Faraldo, Carmen Armada e Aitor Neira, números 2, 3 e 4 da candidatura respectivamente.