As enquisas das municipais voltan a situar á fronte da Deputación da Coruña o PSdeG e o BNG

O Partido Popular é a forza con máis escanos na Deputación coruñesa, mais socialistas e nacionalistas gobernan a institución desde 2015. A composición da corporación derivada dos comicios locais de maio de 2019 deixou o PP con 14 representantes, o PSdeG con 11, o BNG con 4, a Marea Atlántica con 1 e a Alternativa dos Veciños con outro. As organizacións da esquerda e os nacionalistas parten cunha vantaxe de tres escanos fronte aos populares de cara ás eleccións de maio. Mentres desde o PP afirman que están en disposición de conseguir a presidencia da institución, PSOE e BNG amósanse convencidos de ampliar a súa diferenza en relación aos conservadores. Ao tempo, Alternativa dos Veciños dá por feito que manterá o seu deputado e a Marea Atlántica veo posíbel. As incógnitas A primeira incógnita a resolver de cara aos próximos comicios é o reparto dos escanos nos partidos xudiciais da zona. Á volta de 2019, o partido xudicial da Coruña elixía 10 deputados e nesta ocasión prevese que aumente a súa representación a 11, en detrimento da circunscrición de Carballo ou Noia. A Deputación da Coruña pon en marcha o proxecto 'Integra o Xénero' A falta de que a Administración electoral certifique definitivamente onde se produce a baixa do deputado, as formacións políticas consultadas por Nós Diario consideran probábel que sexa Noia quen perda un dos seus tres deputados actuais. Carballo ou Noia A redución da representación no partido xudicial de Noia prexudicaría o Partido Popular, que en 2019 logrou dous dos tres representantes en xogo. Porén, a caída dos deputados a elixir en Carballo afectaría o BNG, que nos pasados comicios locais conseguiu o segundo dos dous representantes en disputa. Sexa como for, a Administración deberá confirmar, coincidindo coa convocatoria electoral, os deputados a escoller en cada unha das circunscricións da Coruña. As sondaxes As sondaxes e as proxeccións das formacións políticas ás que tivo acceso Nós Diario non anuncian grandes movementos na representación da maioría dos partidos xudiciais. A este respecto, apostan pola continuidade en Betanzos, en Corcubión, en Noia e en Carballo, condicionada nestes dous últimos casos aos axustes derivados do cambio de reparto dos representantes por razóns demográficas. Na mesma liña, non se esperan cambios en Ferrol, onde os cinco escanos repártense entre PSOE, PP e BNG. A Deputación da Coruña destina un millón a contratar técnicos deportivos A batalla electoral pola Deputación librarase nos partidos xudiciais da Coruña e Compostela. O primeiro deles elixirá no mes de maio 11 deputados, sendo decisiva na foto fixa final os resultados da cidade e dos grandes concellos da súa área metropolitana. Neste caso, non se dá ningunha posibilidade por fechada, porén as sondaxes favorecen até agora as dúas formacións que conforman o Goberno da institución. A pelexa da Coruña As enquisas outórganlles aos socialistas entre un e dous deputados máis, empuxados pola previsíbel suba na cidade da Coruña. Na mesma liña, os nacionalistas gañarían un representante e estarían en condicións de disputar outro, tras situarse en intención de voto nunha porcentaxe superior ao 15%, duplicando así a de 2019. Neste sentido, a totalidade das sondaxes reducen a representación do Partido Popular, que nos pasados comicios conseguiu o seu último deputado por seis décimas. A Galiza amosa en Fitur un modelo turístico sostíbel e cheo de oportunidades As eleccións locais porán a proba a capacidade de resistencia de Alternativa dos Veciños e da Marea Atlántica. A este respecto, a formación liderada polo alcalde Oleiros, Ángel García Seoane, confía en reter o seu escano, estando en cuestión o representante da Marea Atlántica. Neste sentido, falta de coñecer o impacto no seu electorado da lista promovida por Podemos e Esquerda Unida, que será encabezada nos comicios do mes de maio polo antigo concelleiro da formación José Manuel Sande. A loita en Compostela O partido xudicial de Compostela escolle oito deputados. Neste caso, populares, nacionalistas e socialistas pelexan por unha acta, que semella máis lonxe para os socialistas pola tendencia á baixa avanzada polas enquisas para a cidade. A este respecto, o desgaste do PSOE en Compostela avanzado por diferentes sondaxes comeza a preocupar na dirección do PSdeG. Aínda así, non teñen dúbidas de que o Goberno continuará en mans das forzas da esquerda. A Coruña acollerá esta sexta feira a Gala de Premios Culturais da Deputación A circunscrición electoral compostelá está formada por 27 concellos, mais Compostela e a súa área metropolitana resultan decisivas para o resultado final. Tanto e así que Ames, Compostela e Teo representan o 75,8% do censo da demarcación. Ao tempo, a forte conexión entre estes concellos leva a capital da Galiza a marcar tendencias que chegan ao resto dos municipios da súa área de influencia. Un sistema electoral indirecto O carácter indirecto do sistema de elección das deputacións deixa en mans da dialéctica de cada unha das localidades a conformación do Goberno da institución provincial. Malia que fican máis de dous meses para os comicios, as tendencias avanzan no caso da Deputación coruñesa unha maioría na liña da existente desde o ano 2015.