O BNG contrapón a súa alternativa á dun goberno “en fuga estes sete anos”
Ana Pontón destaca que “a alternativa do cambio” ao PP debe ser en chave nacionalista.
O BNG sitúa as súas propostas como antítese do que significou “un goberno en fuga como tivemos estes sete anos”, manifestou a portavoz nacional nacionalista, Ana Pontón, durante a súa visita ao Concello de Poio. Pontón afirmou que o BNG é unha forza que sempre vai a estar a carón “da defensa dos intereses galegos” como demostra, explicou, a experiencia de centos de concellos nos que ten representación e máis de trinca alcaldías.
Sobre os asuntos tratados na reunión cos concelleiros e concelleiras do BNG de Poio Pontón destacou o incumprimento de moitas das demandas dos veciños e veciñas como a creación do parque empresarial que permita potenciar a xeración de emprego ou a mellora da seguranza viaria na PO-308 que atravesa todo o concello e que xera graves problemas de seguridade. Tamén se referiu a un sector tan importante na comarca e no país como o do mariqueo e conserva.
“Somos primeira zona produtora da Unión europea e a segunda do mundo despois de Thailandia” pero nestes últimos anos a crise afectou ao sector da conserva polo que deben aplicarse medidas contra a fraude da etiquetaxe, apoiar a innovación do sector e defendelo ante as institucións europeas a través da creación dun observatorio da trazabilidade para controlar que produtos importados cumpran a normativa.