Barómetro de EM-Analytics (6 de febreiro): O PP fica só a unha décima de perder a maioría absoluta na Galiza

A maioría absoluta do Partido Popular está no aire. A oitava entrega do barómetro para as eleccións galegas do Instituto Demoscópico EM-Analytics que publica esta terza feira Nós Diario sitúa o PP a unha décima de perder un escano na circunscrición da Coruña e a dúas décimas de ceder outra acta na circunscrición de Ourense. Até o 12 de febreiro, cada día unha nova entrega do 'tracking' electoral de EM-Analytics.