Unha camper con apelido galego

Maxus presentou tres versións da súa Camper, da man da empresa galega Ciclope Camper, no Salón do Caravaning que ven de decorrer en Barcelona. A gama Ciclope Mencía desenvolveuse sobre o Maxus Deliver 9, un furgón de gran tamaño que equipa un motor 2.0 turbodiésel Euro6 de 150cv e 375 Nm, con caixa de cambios manual integrada no cadro de mandos. A súa carrozaría de case 6 metros de longo, portas traseiras con apertura de 270° e unha gran porta lateral fan que sexa unha boa base sobre a que realizar unha camperización. Ademais, a cabina ofrece asentos ergonómicos axustábeis e unha pantalla táctil de 12,3" con conectividade Apple CarPlay, Android Auto e cámara traseira HD. Tamén Inclúe ESP, freada de urxencia automática, aviso de saída de carril, aviso de colisión frontal, 6 airbags, chamada SOS e-Call e sistema antirroubo intelixente. O interior combina carballo Catania, pedra natural e tarima de bambú. Trátase da primeira liña de campers fabricada en serie no Estado sobre vehículos do grupo SAIC Motor. Honda CB1000F 2026 Honda amplía a súa lendaria familia CB coa nova CB1000F 2026, unha naked retro inspirada na icónica CB750F do AMA pilotada por Freddie Spencer. O seu deseño rende homenaxe aos anos 80, con liñas fluídas que percorren o depósito, os paneis laterais e o colín, faro redondo, gráficos clásicos e escape personalizado. Esta xaponesa equipa o motor da CBR1000RR Fireblade, axustado para ofrecer 91 kw e 103 Nm, cunha entrega suave e un son evocador. Incorpora pinza Showa SFF-BP, amortecedor traseiro axustábel e freos radiais de catro pistóns. A tecnoloxía moderna inclúe IMU de seis eixos, ABS en curva, Throttle By Wire con tres modos e dúas configuracións USER, ademais dunha pantalla TFT de 5" con Honda RoadSync e chave intelixente. Fabricada con materiais reciclados, dispón de tres packs Sport, Comfort e Travel para personalizala. Dispoñíbel en tres cores: Wolf Silver Metallic with Blue Stripe, Wolf Silver Metallic with Grey Stripe e Graphite Black with Red Stripe. Nova berlina eléctrica Kia EV4 Kia iniciou a produción do EV4, unha berlina de cinco portas totalmente eléctrica baseada na plataforma E-GMP. O modelo fabricado en Eslovaquia contará con dúas opcións de batería: 81,4 kWh para unha autonomía de ata 625 quilómetros, e outra de 58,3 kWh, máis lixeira e rápida de cargar. Ambas as versións alimentan un motor dianteiro de 150 kW, cunha aceleración de 0 a 100 km/h en arredor de 7,5 segundos. A carga rápida permite pasar dun 10 ao 80% en media hora. O EV4 destaca polo coeficiente aerodinámico de 0,26 e por un maleteiro de até 435 litros. O interior combina pantallas dixitais, controis hápticos e iluminación ambiental. A marca tamén puxo especial atención na posta a punto do chasis para as estradas europeas, buscando equilibrio entre comodidade e estabilidade en curva. Con esta aposta, Kia reforza a súa posición no mercado europeo de eléctricos, cun modelo pensado tanto para desprazamentos urbanos como para viaxes longas.