Palabras con memoria: os corpos tamén falan
amelo.- (Ademais doutros significados rexistrados) Cada unha das estruturas óseas situadas nas mandíbulas, dente.
Exemplo.- “Ao mociño saíulle un arnelo.”
Lugar de escoita.- O Morrazo.
Fonte.- Camen Plata.
Outros apuntamentos.- Grupo Maré do Morrazo, formado por Salvador Castro Otero, Lucía Durán Paredes, Xosé Manuel González Barreiro, Henrique Harguindey Banet, Xosé Martínez García, Ramón Rocamonde Gómez e María Emma Tilves Pazos.
bano.- (Ademais doutros significados xa rexistrados) Impulso, empuxón. Emprégase cos verbos dar e coller.
Exemplo.- “Dáme máis bano no bambán, que quero chegar ao máis alto."
Lugar de escoita.- O Porriño.
Fonte.- Pedro Salgueiro Sexto.
bróchega.- (Ademais de significados xa rexistrados) Refírese a sensación que se experimenta ao seren tocadas zonas do corpo e producirse a risa: cóxega.
Lugar de escoita.- Queixas, Cerceda.
Fonte.- Manuela Barbeito (Yago Pazos Barbeito).
cachogas.- Cóxegas.
Lugar de escoita.- Palmeira.
Fonte.- Constantino Prego.
Outros apuntamentos.- Adoita dicirse con gheada: "cachoghas".
fris.- Cu, traseiro.
Lugar de escoita.- Moa - Vilatuxe, Serra do Candán (sudoeste do concello de Lalín).
Fonte.- Daniel Blanco Moa.
Outros apuntamentos.- Provén do latín dos canteiros de Terra de Montes.
xerelos.- Cando un neno ou nena leva os mocos colgando, dise que leva os xerelos colgando.
Lugar de escoita.- Porqueira (Ourense).
Fonte.- Antón Méndez Gándara.