Ikea A Coruña anuncia en castelán o Día das Letras Galegas
13 de maio de 2019 (19:01 h.)
O centro coruñés de Ikea, a compañía multinacional de orixe sueca especializada en mobles de baixo custo, anuncia en castelán o Día das Letras Galegas. “Las letras mejor gallegas y las ofertas mejor riquiñas. Celebra las dos en Ikea A Coruña”, di un contido publicitario da marca para as redes sociais.
O anuncio, acompañado dunha ilustración en que un corazón é atravesado por unha banda azul ao xeito da bandeira galega, indica ademais que o centro comercial abrirá o 18 de maio, o día seguinte ao das Letras (festivo).
O post de Ikea desatou críticas e rexoubas nas redes sociais. Non é a primeira vez que activistas, cidadáns e mesmo institucións afean á empresa sueca a súa actitude cara ao galego.