Un deputado do PP berra "vai ao médico!" a Errejón cando preguntaba no Congreso sobre saúde mental
Indignación polas palabras de Carmelo Romero, do PP.
Un membro do Congreso español berrou “Vai ao médico!” a Iñigo Errejón mentres o portavoz de Más País preguntaba no Congreso a Pedro Sánchez sobre un plan para coidar a saúde mental dos cidadáns tras a pandemia e o confinamento. O deputado, que non foi identificado inicialmente, é Carmelo Romero do PP.
Na súa intervención, Errejón xa se queixou de que a súa pregunta ao presidente español foi recibida con algunhas risas por parte de deputados das bancadas que ocupa a dereita.
Porén, Errejón reiterou a importancia de atender os problemas de saúde mental causados pola pandemia.
Ao rematar a intervención, Romero berroulle: "Vai ao médico!". O portavoz de Máis País, xa sen a quenda de palabra, protestou. Horas despois, e após a indignación de moitos usuarios nas redes sociais, o deputado do PP fixo un fío en Twitter para pedir perdón.