O PSD gaña as eleccións autárquicas de Portugal e faise coas principais cidades

O Partido Social Demócrata (PSD) de Portugal conseguiu este domingo a vitoria nas eleccións autárquicas, superando o Partido Socialista (PS) no número de cámaras municipais que controla e logrando ademais gañar en varias das principais cidades do país, entre elas as dúas máis poboadas, como son a capital, Lisboa, e o Porto.

"Volvemos ser o maior partido portugués", celebrou o presidente do PSD e primeiro ministro luso, Luís Montenegro, quen destacou a vitoria da súa formación nos "cinco maiores concellos do país", segundo as declaracións recollidas pola radiotelevisión pública portuguesa, RTP.

Con todo, o PS, aínda que derrotada, obtivo mellores resultados que os exhibidos nos anteriores comicios, as eleccións lexislativas, e, a pesar de perder varios concellos, logrou desbancar o PSD doutros como Bragança, Viseu, Coimbra ou Faro, para un total de 125 Alcaldías e perto de 28,7% das papeletas.

Pola súa parte, o ultradereitista Chega, cun 11,8% dos votos, ficou en tres alcaldías, as primeiras da súa historia, aínda que por debaixo das expectativas do seu líder, André Ventura. Cando o escrutinio sobrepasou xa o 99,9%, cunha participación do 59,4%, as seguintes formacións máis votados foron o Partido Comunista de Portugal, cun 5,68% de votos e 12 mandatos, e o grupo Cidadaos, cun 5,61% e unha vintena de alcaldías.