Oito candidaturas loitan por cada escano nuns comicios aragoneses nos que nunca houbo unha maioría absoluta

Oito formación políticas compiten este domingo nas eleccións ao Parlamento de Aragón, unha Cámara na que nunca ningunha opción conseguiu a maioría absoluta. Desta maneira, Jorge Azcón, polo PP; Pilar Alegría, polo PSOE; Jorge Pueyo, pola Chunta Aragonesista; Tomás Guitarte, por Aragón Existe; Alberto Izquierdo, polo Partido Aragonés; María Goikoetxea, por Podemos; Marta Abengochea, por IU-Movimiento Sumar, e Alejandro Nolasco, por Vox, competirán por alcanza o maior número de escanos.

Con todo, o favorito para ser o máis votado é Azcón, o actual presidente da autonomía, quen adiantou as eleccións para intentar alcanzar unha inédita maioría absoluta. Porén, está por ver se o consegue ou se precisa apoiarse nalgunha das outras forzas do arco parlamentario, podendo darse o caso de que as matemáticas o obriguen a depender da ultradereita.

Outro escenario sería a maior das derrotas para o candidato popular, posto que a ex ministra socialista segue aspirando a unha remontada que lle permita conformar unha maioría de esquerdas para gobernar Aragón.