Venezuela: colonia de ninguén

Alex Saab foi detido arbitrariamente por 1.286 días. Para Alex Saab, foron corenta e dous meses de secuestro e tortura en prisións americanas. Para a Venezuela, era unha nova agresión do imperialismo, da guerra mediática dos Estados Unidos. De feito, Alex Saab foi, até o dia de súa liberación (20 de decembro de 2023), un prisioneiro político do imperialismo. Alex Saab (empresario de orixe siria, nacido na Colombia e naturalizado venezuelano), actuando como enviado diplomático da Venezuela, foi ilegalmente detido en Cabo Verde (12 de xuño de 2020), cando o avión en que viaxaba parou para reabastecer na súa rota da Venezuela para o Irán nunha viaxe con fins humanitarios. Nesa viaxe, Saab estaba cumprindo unha misión do Goberno venezuelano: obter suprimentos para mitigar o impacto da pandemia de Covid-19. Lembremos que, no medio da pandemia, as sancións do bloqueo contra a Venezuela agravaron as necesidades do pobo venezuelano. En 8 de marzo de 2015, Barack Obama asinou a orde executiva 13692, pola cal declarou que a Venezuela era unha ameaza "incomún e extraordinaria" á seguranza nacional e á política externa dos Estados Unidos. Bloqueo Desde entón, o imperialismo americano estabeleceu un réxime implacábel de sancións coercitivas e unilaterais contra a Venezuela. A orde executiva 13.692 tornouse a espiña dorsal para as subsecuentes ordes executivas, así como para as 930 medidas de sanción, agresión económica, punitivas, extorsivas e de bloqueo contra a economía nacional e o pobo venezuelano. As medidas expresan, principalmente, un ataque financeiro por medio do aumento artificial do risco país –que multiplica exponencialmente o custo da débeda soberana da Venezuela– e restricións financeiras que atinxen operacións de comercio internacional, relacionadas coa importación de alimentos, medicamentos, materias-prima e bens estratéxicos para empresas e servizos públicos. Esa agresión veu sumarse ás accións dunha guerra multiforme coa cal Washington, por mais de dúas décadas, tenta subxugar a soberanía e autodeterminación da Venezuela. As tentativas de golpe de Estado (2002, 2014, 2017 e 2019), a autoproclamación de Juan Guaidó como presidente, os magnicidios fracasados contra Hugo Chávez e contra Nicolás Maduro e as invasións militares programadas marcaron diferentes momentos dunha mesma política de agresión. Venezuela iniciou a nova etapa da Revolución Bolivariana, unha nova fase de transición para o socialismo A necesidade de mitigar o impacto inesperado das sancións contra a Rusia levou os Estados Unidos a buscar diálogo coa Venezuela. Desde decembro de 2010, as relacións entre a Venezuela e os Estados Unidos mantivéronse no nivel de responsábeis de negocios. No entanto, en outubro deste ano, os Estados Unidos autorizaron transaccións envolvendo o sector de petróleo e gas da Venezuela e o sector de ouro. Alén diso, foi levantada a prohibición do comercio secundario. A oposición venezuelana, que sempre apoiou as medidas que causaron fame ao seu pobo, agora está sentada á mesa de diálogo co Goberno venezuelano. Alén do acordo asinado en Barbados (17 de outubro de 2023), temos o Segundo Acordo Parcial para a Protección Social do Pobo Venezuelano (26 de novembro de 2023), que permitirá desbloquear fondos venezuelanos conxelados no exterior. Os fondos serán destinados a revitalizar e fortalecer o sistema público de saúde, estabilizar o sistema eléctrico e mellorar a infraestrutura educacional. O bloqueo resultou na redución das receitas en moeda estranxeira, queda na produción de petróleo, restrición ao comercio exterior, enfraquecemento da moeda e fuga de capitais. A hiperinflación chegou, xuntamente coa escaseza de bens e servizos, fechamento de industrias, migración, deterioración da calidade de vida e do benestar do pobo venezuelano. Socialismo Desde 2015, a Venezuela perdeu en media 44 billóns de dólares en cada ano nos oito anos seguintes e experimentou a maior contracción económica rexistrada na historia do occidente capitalista. Enquanto sofre un proceso de saqueo e baleirado sistemático de seus recursos e patrimonio, a Venezuela iniciou a nova etapa da Revolución Bolivariana, unha nova fase de transición para o socialismo. En 2021, a economía venezuelana comezou a crecer. A implementación dun programa económico intelixente, a recuperación progresiva da produción de petróleo e medidas contra o bloqueo para promover o investimento nacional e estranxeiro crearon un ambiente favorábel que coloca o país con perspectivas de crecemento de 5%, o maior da América do Sur en 2023, de acordo coa CEPAL. Maduro deu as boas-vindas a Alex Saab no Palacio de Miraflores, sede do Goberno en Caracas. Parabenizouno pola súa resistencia ás condicións adversas e afirmou: "Aquí está a Venezuela de pé, co seu propio modelo independente, unha colonia soberana de ninguén".