Estudantes corsos bloquean edificios oficiais para demandar poder aprender no seu idioma

Varios edificios institucionais na cidade de Aiacciu, capital de Córsega, foron bloqueados hai uns días por estudantes de ensino secundario en accións de protesta para reivindicar o dereito a aprender na lingua propia da illa mediterránea, o corso. Entre os edificios bloqueados estaba a o da Prefactura, o máximo órgano de representación do Estado francés en Córsega.

 

“Lingua Corsa, ufficiali è ubligatoria!” foi unha das palabras de orde dos protestos, convocados pola Plataforma Parlemu Corsu e sindicatos estudiantís.

 

 

Estes protestos enmárcanse na vaga de mobilizacións que están a se desenvolver en territorios do Estado francés que como Córsega ou Occitania teñen lingua de seu. A reforma do ensino que prepara o goberno de Emmanuel Macron supón un retroceso para a presenza, xa de por si escasa, destes idiomas no sistema educactivo, segundo colectivos de defensa destes idiomas. A política de París, denuncian desde Parlemu Corsu ou Anem, pretende recortar horas de docencia, profesorado, medios e recursos para  aprendizase e ensinanza destas linguas. "É unha regresión brutal", alertan.

 

"A lingua corsa non é unha lingua estranxeira, ten que ser considerada unha materia tan fundamental como o francés", indican desde Parlemu Corsu, que xa iniciou un calendario de concentracións e mobilizacións para defender que o idioma propio desta illa mediterránea teña no ensino o lugar que merece.