O SLG denuncia multas durante o estado de alarma por compra directa de alimentos en granxas de proximidade

Sindicato Labrego Galego informa da existencia dunha proposta de sanción dunha persoa que durante o estado de alarma realizou o desprazamento de 7 quilómetros para poder facer o seu acopio de alimentos persoal.

“Durante o estado de alarma unha das actividades permitidas era precisamente o subministro de produtos de primeira necesidade, particularmente neste caso de alimentos”, engaden. “Facendo unha interpretación moi ríxida da norma, así como a ambigüidade desta, neste caso considerouse que o desprazamento non estaba xustificado nin amparado pola norma en vigor de aquel momento”.

O SLG considera “inxusta” a sanción e indica que a persoa desprazouse para adquirir alimentos nunha granxa de forma directa: “Unha vez máis os Circuítos Curtos de Comercialización alternativos son penalizados e vítimas dunha desigualdade de trato en relación coas grandes superficies”.