Fenda dixital: só 31% de pemes teñen páxina web e 60% carecen de presenza nas redes sociais

O comercio electrónico, ou eCcommerce na súa acepción en inglés, leva anos instalado na industria e no comercio galego. Porén a súa extensión a todas as empresas é moi desigual e non está a chegarmesma medida, especialmente, até aquelas de menor tamaño. Coa idea de modificar esta situación, a Agrupación industrial do eCommerce Galego e a comunidade profesional Marketing4eCommerce, co apoio do Concello de Pontevedra, realizarán esta cuarta feira no Pazo da Cultura de cidade do Lérez o Ecommerce Day, un evento que procurará axudar ao tecido empresarial pontevedrés e galego a sacar o máximo partido a Internet para os seus negocios. O modelo de dixitalización imposto Internet no comercio Segundo o informe Galicia, a economía en dixital, publicado este ano pola Axencia para a Modernización Tecnolóxica da Galiza (Amtega) da Xunta da Galiza, no ano 2022, a cifra de empresas activas no país era de 196.530. As microempresas (de 0 a 9 empregadas ou empregados) representan 96,4% da totalidade, a gran maioría de empresas sitúase no sector Servizos, onde se encadra case 80% das empresas galegas. Ese mesmo ano, as computadoras de usuario xa están presentes en 84,6% das microempresas galegas, medrando a súa presenza en 2,3% no último ano. Malia este dato, existe un maior acceso a internet nas grandes compañías (97,6%) diante das microempresas galegas (80,3%). A fenda dixital de uso agrándase ao contabilizar que só un 31% das microempresas ten páxina web, cando a porcentaxe de empresas galegas de 10 ou máis asalariadas ou asalariados que posúen páxina web é de 79,5%. Algo semellante acontece cando se observa que a presenza nas redes sociais nos comercios e empresas pequenas é de só un 36,5% fronte un 65,9% no caso das empresas grandes. A dixitalización e os baixos salarios deixan 13.841 empregos vacantes na Galiza En relación ao comercio dixital, en 2022 un 12,8% das microempresas galegas vende a través da rede, cifra similar á media estatal (13%). As empresas de 10 ou máis persoal con actividade na Galiza que venden na rede é de 24,2%, exactamente a mesma cifra que en 2021. O “internet amigo” Para o director de Marketing4eCommerce, Rubén Bastón, o principal obxectivo do evento pontevedrés é “achegar internet ao tecido empresarial” tendo en conta que hai “unha parte de nativos dixitais que xa o empregan e outros que aínda ollan con receo a venda online”. Neste sentido, apunta a Nós Diario que hai que mudar a idea de que internet “é un inimigo” e valore que “o seu cliente habitual está navegando continuamente e non empregalo é darlle posibilidades de que deixe de selo”. A pandemia da Covid-19 foi toda unha proba para o emprego das ferramentas dixitais nas empresas. “Houbo moitas experiencias de tentar empuxar o comercio electrónico mais, en moitos casos, a través de plataformas de venda online”, sinala Bastón, “foi pasar de cero a cen, algo demasiado ambicioso para quen está todos os día a cargo dun pequeno negocio”, engade. A solución, para este profesional pasa por solucións, para comezar, máis sinselas como “aprender a usar Whatsapp Business, subir contidos de valor en redes sociais ou capturar os correos electrónicos dos clientes para poder ofrecerlles ofertas exclusivas: pura fidelización”. A dixitalización e a transición xusta, chaves para dinamizar o rural galego En opinión do Secretario Xeral da Agrupación industrial do eCommerce Galego, Alberto Cochón, a razón da polarización na adopción do comercio dixital na Galiza ten que ver con ser “un sector moi dinámico no que o uso de captación de clientes muda moito”. Sinala a Nós Diario que “estamos nun momento no que hai moita información e para os proxectos empresariais pequenos é difícil filtrar por onde comezar”. Por ese motivo, o Clúster apostou no evento polas Econversas: dinámicas de interacción destinadas á realización de reunións privadas entre marcas e provedores "para contrastar ferramentas que funcionan desde a práctica". Para que o acceso sexa participativo, o Clúster preparou “un evento aberto e gratuíto para os profesionais das marcas para animar aos provedores de servizo a que conecten con elas. Un informe propón a reagrarización da Galiza para salvar a economía Desde o Concello de Pontevedra, a súa responsábel de Promoción Económica, Anabel Gulías, considera, en declaracións a Nós Diario, que o evento "posiciona á cidade dentro do sector. entende, ademais, que é “crucial” a mellora do comercio local e de proximidade. “Na nosa cidade non hai áreas comerciais como noutras do país”, asegura, “polo que é vital o emprego do comercio electrónico como ferramenta para que as empresas teñan a oportunidade de diversificar, asentarse e poder ensinar o traballo ao mundo”, engade. Neste sentido, pón como exemplo algunhas iniciativas comerciais pontevedresas "como Krack, que ten abertas varios estabelecementos na cidade e ao mesmo tempo aposta pola canle dixital". Pontevedra, capital galega do eCommerce Polo Pazo de Cultura de Pontevedra pasarán hoxe especialistas en tendencias na venda en liña para 2024, ademais de contar con profesionais en internacionalización, claves de venda en marketplaces ou na aplicación da Intelixencia Artificial (IA) en eCommerce. “Levamos varios anos realizando eventos deste tipo en cidades do Estado español como Barcelona e Madrid, así como tamén en Cidade de México, malia contar coa gran maioría de membros na Galiza”, explica Rubén Bastón, “e pensamos que xa era hora de facelo tamén aquí”, engade. “O obxectivo con este evento é converter Pontevedra no terceiro polo dixital do Estado español”, asegura Alberto Cochón a Nós Diario. Recentemente a Agrupación industrial do eCommerce Galego, o Clúster deste sector no país, escolleu a cidade do Lérez para ter a súa sede principal. “Aquí hai empresas bastante potentes e, ademais, está situada nela a Facultade de Comunicación Audiovisual e Publicidade da UVigo, unha institución educativa moi relacionada con creación de contidos dixitais”, sinala Cochón, “e ademais temos a de Belas Artes que está traballando de maneira moi potente neste ámbito”, engade para significar a súa importancia diferencial.