Inditex ten que renegociar con Amancio Ortega os alugueres de locais da súa propiedade
Ortega está entre os arrendadores de inmobles para tendas do xigante do téxtil que fundou e do que émáximo accionista. A maioría dos contratos expiran en dous anos.
Nun prazo de dous anos van expirar boa parte dos contratos das tendas que Inditex ten en locais e inmobles, o que obrigará a unha renegociación das condicións, sinalan en Economía Digital. Un proceso no que os responsábeis do imperio téxtil terán que falar, como apunta Economía Digital, cun dos seus arrendadores: Amancio Ortega, fundador e o maior accionista do imperio con sede en Arteixo. Ortega posúe Pontegadea Inversiones, un holding fundado en 2002 e ligado o 'ladrillo' e que en 2012 deu ganancias por máis de 70 millóns de euros.
E como lembra ED, Zara vai abrir unha 'macrotenda' de seis andares na exclusiva rúa Serrano de Madrid, unhas instalacións que mesmo terán unha zona de 'showroon' (para pases de coleccións)... E quen é propietario desas instalacións que van ser alugadas a Zara? Pontegadea, o holding de Amancio Ortega.
Mais non só Inditex é cliente do Amancio Ortega 'caseiro'. Desde BBV a Google, pasando por NGB, entre outros.