Gobernar por non-decisións

Gobernar por non decisións consiste en ter o poder de tomar unha decisión para resolver un problema e non o facer. Non permitir que esa decisión ou estratexia sexa incorporada á axenda política. Que pasa neste caso? O problema, o programa de actuación, segue o curso dos poderes restrinxidos. O conxunto da poboación non ten ocasión de participar na elaboración da decisión a tomar, e o programa vaise executando conforme ós desexos dunhas minorías fraccionadas, que conseguen así ir levando o curso dos acontecementos por onde pensan que máis lles convén a eles.