A empresa solicita a liquidación inmediata de Alimentos Lácteos

Alimentos Lácteos, S.A. Levaba meses nun proceso colectivo de suspensión dos contratos da totalidade do cadro de persoal desta factoría de Outeiro de Rei. Desde a CIG afirman que se entra nunha nova fase, pois a empresa “solicitará abrir a fase de liquidación, con carácter inmediato, probablemente durante este mesmo venres”.

Dende o comité de empresa víñase advertindo desde finais de agosto, lembran desde a central nacionalista, que a entrada en liquidación era inminente. No cadro de persoal enténdese entenden que dita nova “traerá aparellada a proposta para a realización dun ERE extintivo para a totalidade dos traballadores e, con iso, a apertura dun proceso que deberá encamiñarse a coñecer en profundidade as causas que levaron ó fracaso o proxecto de Alimentos Lácteos e os seus responsables.”

Falta de explicacións

O comité de empresa, malia todo isto, “carece de explicación formal sobre os intentos que se puideran ter dado dende a empresa para conseguir un convenio dentro do concurso”. Desde a CIG, qentenden que todo puido ser unha manobraq “de mutuo acordo entre Alimentos Lácteos e o propietario, polo cal se procede a expulsar das instalacións da factoría de Outeiro de Rei á actual empresa, terá moito que ver coa precipitación de tales acontecementos”.

O conxunto dos traballadores, á vista do preceptivo informe da administración concursal, demándalle á Xunta unha explicación solvente “relativa, dunha banda sobre o destino de tamaña inversión pública e o interese en manter viva dita empresa cun proxecto de dubidosas garantías ata finais do verán pasado e, doutra, unha explicación sobre a incapacidade do Partido Popular para, dende hai case un ano, non ser quen de atopar nen a máis mínima solución para, cun proxecto viable, garantir o futuro desta industria láctea e, con elo, conseguir a recuperación de boa parte dos cartos invertidos”.