Somerset Maughan, por primeira vez en galego
A lúa e seis peniques publicouse orixinalmente en 1919. Pertence ao período de maior éxito e recoñecemento popular de Somerset Maughan (Parías, 1874-Niza, 1965), escritor británico por excelencia malia os seus lugares de nacemento e morte. Ao fondo da narración atópase a vida de Paul Gauguin, mais tratada con certo sarcasmo. “A obra é asemade unha sátira dos costumes eduardianos e vitorianos”, sinalan desde Hugin e Munin.
“Hei de confesar que cando comecei a tratar a Charles Strickland en ningún momento entrevín que houbse nel nada extraordinario, por máis que agora raro é que alguén negue a súa grandeza”, comeza unha novela que coñeceu variacións en medios televisivo, teatral, cinematográfico e operístico. E que trata, ao cabo, “a historia do xenio que o sacrifica todo, que renuncia ás posesións materiais e deixa de lado os convencionalismos da existencia para se dedicar á contemplación da beleza”.
Nota: cuberta da edición galega de A lúa e seis peniques.