Lugo homenaxea Darío Xohán Cabana cun roteiro poético

Lugo acolleu esta sexta feira un paseo literario pola cidade en homenaxe ao poeta Darío Xohán Cabana. Coincidindo coa reedición do libro A Fraga Amurallada por parte do Servizo de Publicacións da área de Cultura da Deputación de Lugo e baixo o título 'Unha volta con Darío pola fraga amurallada', un roteiro no que persoas do ámbito da cultura e amizades do autor declamaron algúns dos poemas que dedicou á cidade.

A actividade, que deu inicio nas escaleiras da Porta Falsa, na Praza de Ferrol, foi conducida por Lois Pérez. Nese mesmo punto, Brais García recitou o poema 'Pola Ponte Romai brincan os nenos'. O paseo proseguiu por algúns puntos moi transcorridos da cidade, como a Porta da estación, a Praza do Cantiño, o Campo Castelo ou a Catedral.

Na actividade participaron importantes figuras da cultura luguesa como Uxía Calviño, Area López, Xoán Cuba, Xosé Miranda, Xerardo Quintiá, Nieves Neira, Xulio Valcárcel, Esmeralda Quiroga, Lupe Bao ou Marica Campo. O acto parou nalgunhas rúas da cidade para os escoitar os versos do poeta na voz de Alexandra Cabana.