Botes, bateis e dornas, rumo a Combarro
As historias do mar que contaban os vellos mariñeiros seguen entre nós, como tamén o fan as embarcacións en que faenaban. Antagónico ás políticas de despece de barcos é o labor das asociacións integradas na Federación Galega pola Cultura Marítima e Fluvial, Culturmar, que promove o XIII Encontro de Embarcacións Tradicionais en Combarro (Poio) e traballa na recuperación dunha peza fundamental na identidade nacional: a cultura marítima e fluvial.
Son 24 os anos que pasaron desde que as persoas pioneiras decidiron xuntar unhas poucas embarcacións en Ribeira. A idea pasaba por recuperar o patrimonio flotante tradicional do país e a partir de entón xurdiu a Federación Galega pola Cultura Marítima, “un calco do movemento que viña xa funcionando na Bretaña Francesa”, explícanos Manuel Sendón, o seu presidente. Desde entón, acordaron realizar os encontros cada dous anos en diferentes lugares do país, “o obxectivo pasaba por aumentar a querenza pola cultura marítima, un dos sinais de identidade máis representativos de Galiza, que é, toda ela, un museo flotante”.
[Podes ler a reportaxe íntegra no Sermos Galiza 232, á venda na nosa loxa e nos quiosques e puntos de venda habituais]