Os Reises cantamos pedindo aguinaldo, chourizas, touciño pra facer o caldo

—Crema de cabaza e laranxa Elaboración: Lávase e pártese o allo porro en anaquiños. Nunha pota co aceite quente, frítese 10 min a lume manso. Mentres, depelícanse e córtanse en anacos pequeneiros a pataca, as cenorias e a cabaza. Agréganse na pota ao allo porro, sóbese o lume a medio alto, salgamos, refogamos e cociñamos 5 min. Engádese a auga quente e pementa negra á vontade. Ao ferver e comezar a facer burbullas, báixase o lume, cocendo 25 min. Na mesma pota, bátese co batedor eléctrico até obter unha crema homoxénea e na. Agrégase o zume das laranxas e a nata, mexemos, comprobamos o sal e coce 5 min máis. Sérvese quente cun chorro de aceite. Nota: Pode adornarse con pebidas de cabaza. —Albóndegas de garavanzos e flocos de avea Elaboración: Nun recipiente esmáganse os garavanzos escorridos. Agregamos os ocos de avea, sal, pemento, ourego, tomiño, pirixel, allo e cebola en po, auga e limón. Mestúranse todos os ingredientes apachocándoos até obtermos unha masa compacta e manexábel. Déixase repousar tapada como mínimo 30 min. Facemos porcións de tamaño culler, enfariñámolas e coas mans fórmanse bolas apertadas e redondas. Cóbrese con aceite o fondo dunha tixola, quéntase a lume medio alto, frixindo as albóndegas sobre 10 min, virándoas un par de veces para dourárense por toda a super cie. Xa frixidas e douradas, colócanse nun prato con papel de cociña para que absorba o aceite. Sérvense acompañadas de arroz en branco, de salsa de verduras ou de tomate, ou ben con crema de pemento. Nota: A masa queda mellor se a deixamos repousar tapada entre 2 ou 3 horas —Flan de turrón Elaboración: Depelicamos a laranxa (ou o limón). Raspando cun coitelo, retirámoslle á monda a maior parte posíbel da parte branca, que é a que amarga. Co lume a máxima potencia, nun cazo botamos o leite, a canela e a pel de laranxa. Ao comezar o fervor, retírase do lume, tápase e déixase repousar 30 min para que infusione e mornee. Coas mans esmigallamos o turrón nun recipiente. Engádense os ovos e o azucre e batemos manualmente até que non queden bolos de turrón. Botamos o leite coado, para evitar restos de canela e laranxa, e bátese de novo até obter unha cor homoxénea. Cubrimos o fondo das aneiras co caramelo e, moi ao xeito para evitar burbullas de aire, cun cullerón bótase a mestura até 0.25 cm do bordo das aneiras. No forno caldeado a 180oC, nunha bandexa con auga quente, colócanse as aneiras e cocen 30 min a baño maría. Compróbase cun coitelo se están feitos. Arrefecen a temperatura ambiente e métense na neveira un mínimo de 6 horas. Retíranse dos moldes, pasando un coitelo todo arredor polo borde do an. Voltéanse. Nota: O flan resulta máis saboroso feito do día anterior. Consérvanse 3 ou 4 días na neveira.