Do Xapón a Vilalba

Sunomomo Esta ensalada xaponesa é moi coñecida e pode facerse de varias maneiras, a máis común é con cogombro e con alga wakame. Ingredientes (2 persoas): 1 cogombro xaponés.2 g de alga wakame deshidratada.½ culler de sementes de sésamo.2 culleres de vinagre de arroz.1 culler de azucre.½ culler de salsa de soia Elaboración Botamos as algas deshidratadas nun cunco con abundante auga e hidratamos 10 minutos. Logo, escorremos e reservamos. Mentres tanto, lavamos e pelamos o cogombro, alternando zonas verticais peladas con zonas sen pelar para que quede máis vistoso. Despois cortamos en toros finiños coa axuda dunha mandolina. Botamos os toros nun cunco cun chisco de sal por enriba e deixamos uns 5 minutos. O sal axuda a que o cogombro solte o líquido que ten dentro, evitando augar a ensalada. Pasado este tempo escorremos ben os toros de cogombro para que solte todo o líquido e reservamos. Mesturamos nun cunco o vinagre, o azucre e a soia e remexemos ben. Mesturamos as algas co cogombro e o aliño e integrámolo todo. Servimos en cuncos individuais cunha primeira capa de algas, outra de cogombro e finalmente as sementes de sésamo e un pouco do aliño por enriba. Podemos engadirlle surimi ou polbo tamén se queremos. Bacallau á bizkaina Cociñamos o bacallau nun mollo típico de Euskadi, elaborado con cebola e carne de pementos chouriceiros. Ingredientes (2 persoas): 2 lombos de bacallau (400g). 2 cebolas moradas.1 porro. 125 g de carne de pemento chouriceiro. 8 dentes de allo 1 pemento vermello. Aceite. 150 ml de viño branco Elaboración: Confeitamos os allos no aceite, a lume moi baixo durante uns 15 minutos para darlle sabor ao aceite. Retirámolos e botamos no mesmo aceite a cebola, o pemento e o porro picados finos, engadimos sal e refogamos a lume baixo durante unha hora e media, remexendo para que non se pegue. Engadimos o viño, remexemos ben e deixamos a fogo baixo outra media hora movendo de cando en vez. Engadimos un pouco de auga ou caldo de peixe, e deixamos 30 minutos. A seguir botamos a polpa dos pementos chouriceiros, mesturamos e deixamos outros 30 minutos. Pasado este tempo as verduriñas estarán ben pasadas xa, retiramos do lume e pasamos por un pasa-puré. Voltamos a botar a salsa na pota e colocamos o bacallau coa pel para arriba, somerxido no mollo. Deixamos uns 10 minutos que coza no propio mollo e servimos. Roscón de Vilalba Este doce de améndoa é unha das sobremesas máis famosas da Terra Chá. Ingredientes (6 persoas): 500 g de améndoa pelada. 400 g de azucre. 2 ovos. 1 limón. Papel de oblea Elaboración: Se a améndoa está seca non é preciso torrala antes. Se non é así, metémola no forno uns minutiños para secala. Reservamos unhas poucas améndoas para decorar e moemos o resto. Precisamos dúas texturas diferentes, uns 300 gramos máis fina e 200 gramos máis gorda. Despois de moer a améndoa engadímoslle o azucre e remexemos ben para mesturalos. Relamos a monda de medio limón e esprememos o zume de algo menos da metade e engadimos. Batemos os ovos e mesturámolos co resto. Remexemos ben para que ligue e acabamos amasando coas mans. Colocamos nunha bandexa para o forno papel de aluminio e por riba papel de oblea. Facemos pequenas bolas coa masa e dámoslles forma alongada sen esmagalas moito. Colocámolas sobre a bandexa en círculo. Coa axuda dun garfo acabamos de darlle forma. Por último, para decoralo, sen gramar moito pasamos a punta do garfo polo roscón facendo pequenos regos e colocamos as améndoas que reservaramos. Metemos no forno a 180 graos durante 20 minutos aproximadamente. Cando a mestura de ovos e azucre arrefríe mesturámola co puré de framboesa e batemos a baixa potencia para que mesturen. Engadimos con coidado a nata montada ao resto dos ingredientes e continuamos batendo a baixa potencia até que quede unha mestura homoxénea. Botámolo nun recipiente con tapa apto para o conxelador e deixámolo polo menos 12 horas. Dez minutos antes de servir retiramos do conxelador para que se atempere e poidamos manipulalo. Servimos en cuncos con framboesas por enriba e decoramos cunhas folliñas de menta.