Persoal da sanidade privada alza a voz por un novo convenio laboral
24 de xaneiro de 2024 (20:52 h.)
Persoal da sanidade privada concentrouse esta cuarta feira ás portas dos principais hospitais da Coruña para reclamar a negociación dun convenio que "mellore" as súas condicións laborais. Segundo informou a CIG, denunciaron que "lonxe de aceptar melloras", a patronal pretende que os traballadores e as traballadoras do sector "perdan dereitos" que xa tiñan alcanzados. Por isto, convocaron folga para o 5 de febreiro.