Convocan en Mondariz-Balneario un "entroido deseucaliptizador"
31 de xaneiro de 2024 (08:51 h.)
As Brigadas deseucaliptizadoras voltan a Mondariz-Balneario o 3 de febreiro para actuar sobre unha parcela de titularidade pública, aínda sen reclamar como mancomún. O obxectivo, indican, é continuar coas rogas anteriores: "toxo e gromos de eucalipto aproveitaron ben as choivas para avanzar, así com un foco de mimosa. Seguiremos co descascado, roza e tratamento contra a mimosa, ademais dunha primeira plantación de bidueiras".