Falece un traballador ao caer ao interior dunha formigoneira en Salvaterra de Miño
16 de maio de 2023 (14:18 h.)
Segundo a información do CIAE 112-Galiza, o suceso tivo lugar nunha empresa de formigóns situada na Chan da Salgosa, na parroquia de Oleiros de Salvaterra do Miño.
Un traballador de 45 anos faleceu esta terza feira no municipio de Salvaterra de Miño (comarca do Condado), tras caer no interior da cuba dunha formigoneira que estaba a limpar.
Segundo a información do CIAE 112-Galiza, o suceso tivo lugar nunha empresa de formigóns situada na Chan da Salgosa, na parroquia de Oleiros de Salvaterra de Miño.
Foron os servizos sanitarios do 061 os primeiros en chegar ao lugar e apuntar que o home, que caera ao interior da cuba, estaba falecido. Solicitaban, ademais, medios para rescatalo.
Por iso, foron mobilizados efectivos dos Bombeiros de Baixo Miño, da Garda Civil e da Policía Local. Ademais, tamén foron alertados os membros do GES-SPEIS Ponteareas.