A CIG propón a creación dun convenio propio nos dous estaleiros de Navantia na ría de Ferrol

A sección sindical da CIG en Navantia propuxo ao resto de sindicatos e traballadores a creación dun convenio propio nos dous estaleiros situados na ría de Ferrol.

O sindicato basea esta iniciativa en que as negociacións están "paralizadas" e en que as demandas do resto de centros están "a anos luz" das das factorías galegas.

A proposta chega varias semanas despois de que traballadores de todos os estaleiros e servizos centrais votasen en Madrid o pasado 17 de decembro unha proposta de convenio colectivo que foi rexeitada.

"Agora que pasou un tempo razoable para facer a oportuna análise da situación que estamos a vivir coa negociación colectiva, de absoluta parálise, desde a CIG reafirmamos que a alternativa pasa por ter un convenio propio para a ría de Ferrol", afirmou. explicou o sindicato a través dun comunicado.

Lembraron así que, mentres os traballadores da ría de Ferrol se mobilizaban, os doutros estaleiros dubidaron en apoiar as protestas, a pesar de que a mobilización foi "decisión do comité intercentros".

Neste contexto, a CIG indicou que "chegou o momento" de apoiar o seu propio acordo. Unha proposta que se trasladará aos demais sindicatos e á propia dirección. "Non podemos nin debemos resignarnos a outra viaxe ao deserto", afirmou o sindicato.