Positivo por Covid-19 un médico de familia dun centro de saúde de Sanxenxo
Así o confirmaron fontes da área sanitaria de Pontevedra e O Salnés, que explicaron que o caso positivo dun médico de familia foi detectado no centro de saúde de Baltar.
Un médico de familia dun centro de saúde do termo municipal de Sanxenxo obtivo resultado positivo por coronavirus , polo que a área sanitaria adoptou os protocolos correspondentes.
Así o confirmaron fontes da área sanitaria de Pontevedra e O Salnés, que explicaron que o caso positivo dun médico de familia foi detectado no centro de saúde de Baltar.
As mesmas fontes explicaron que "xa se fixo a enquisa epidemioloxica" e "identificáronse os contactos", ademais de ditarse "os illamentos e as corentenas precisas".
Con respecto ao centro de saúde, por parte da área sanitaria destacouse que "se reforzou de forma inmediata a limpeza e desinfección".