Un mozo de 27 anos de Viveiro morre nun accidente de tráfico en Xermade

Un mozo de 27 anos de idade e veciño de Viveiro (A Mariña) faleceu na tarde desta quinta feira ao saírse da vía e envorcar co seu vehículo no quilómetro 35,9 da LU-540, ao seu paso por Xermade (A Terra Cha). Segundo informou a Garda Civil, o suceso tivo lugar sobre as 17.06 horas e o falecido era o único ocupante do turismo sinistrado.

Pola súa parte, o CIAE 112 Galiza informou de que unha testemuña explicou que o coche se saíra da vía e que a persoa que ía no interior non respondía a estímulos. Con estes danos, o CIAE 112 informou o equipo de Urxencias Sanitarias da Galiza-061, aos Bombeiros de Vilalba, os voluntarios de Protección Civil de Xermade e os axentes da Garda Civil de Tráfico. A vítima tivo que ser liberada polos bombeiros do parque comarcal.