Morre un home tras ser atropelado polo seu propio vehículo en Ribeira

Un home faleceu na madrugada deste domingo no municipio de Ribeira (O Barbanza) tras ser atropelado polo seu propio coche, o cal quedou sen freos. Segundo indicou o 112 Galiza, o suceso tivo lugar na parroquia de Palmeira ao redor das 2.20 horas.

Un particular contactou co Centro Integrado de Atención ás Emerxencias 112 Galiza para alertar de que atopara a un home debaixo dun vehículo. Na chamada alertou de que a vítima podería falecer, polo que o 112 Galiza mobilizou ao Servizo de Urxencias Sanitarias de Galiza-061, ao GAEM e aos Bombeiros de Ribeira, así como aos axentes da Policía.

Unha vez no lugar, os equipos de emerxencias confirmaron o falecemento do home, sen que se puidese facer nada por salvarlle a vida. Ademais, os axentes descubriron que o falecido era o propietario do vehículo, que aparentemente sufriu un erro nos freos e acabou atropelándoo.