Morre un home en Baiona tras ser rescatado da auga con síntomas de afogamento

Un home faleceu esta terza feira no municipio de Baiona (comarca de Vigo) tras ser rescatado da auga con síntomas de afogamento. Segundo informou o 112, o equipo médico tentou repetidamente a reanimación cardio-pulmonar, e mesmo foi trasladado ao centro de saúde da localidade, mais faleceu.

Máis dunha ducia de chamadas ao 112 alertaron de que sacaran a unha persoa da auga en Baiona, concretamente na praia de Santa Marta. Solicitaban asistencia médica urxente para o home, que xa estaba na area e que presentaba síntomas de afogamento.

Aínda que aínda non está claro que ocorreu, a persoa faleceu tras varios intentos por recuperalo e mesmo a pesar do seu traslado a un centro médico. Ao momento trasladouse Urxencias Sanitarias da Galiza-061 e foi necesaria a mobilización doutra dotación médica para atender a acompañante da vítima, que estaba en estado de shock. Tamén se trasladou a Policía Local.