Galiza rexistra 230 novos contaxios e dúas mortes

Segundo os datos comunicado pola Consellaría de Sanidade este domingo, 27 de setembro, a Galiza conta con 4.432 casos activos da Covid-19. Nas últimas 24 horas detectáronse 230 novos positivos, mentres que 245 persoas recibiron a alta, polo que deixaron de computar como casos activos de coronavirus. Con estas, son xa 18.316 as persoas que pasaron o virus na Galiza.

Por áreas sanitarias, tres delas rexistran este domingo unha suba nos casos activos, tres presentan descensos e Vigo continúa coa mesma cifra de infectados, 512.

O incremento de casos activos máis pronunciado nas últimas 24 horas produciuse na área sanitaria de Ourense, onde se detectaron 39 pacientes con coronavirus. Tamén soben en Santiago até 577, ao descubrirse 22 novos casos. En Pontevedra son 16 máis as persoas que padecen a Covid-19 respecto ao último balance, o que deixa a cifra de total de casos nesta área en 826. A área da Coruña e Cee continúa como a que máis pacientes da Covid.19 ten de toda a Galiza, 1.046. En Ferrol hai 10 pacientes menos con coronavirus (154) e en Lugo o número descende en 53 até os 589 casos activos totais.

O número de probas PCR realizadas na Galiza elévase a 465.341 fronte ás 459.234 rexistradas até o sábado, o que significa que en 24 horas houbo 6.107 probas.

Segundo os datos de Sanidade, actualmente hai 318 persoas usuarias e 118 trabalaldoras e traballadores contaxiados en residencias de maiores, mentres que son 24 as usuarias afectadas 20 as profesionais en centros de dependencia.

As vítimas mortais en residencias alcanza xa as 729, logo de faleceren no Hospital de Lugo dúas mulleres usuarias do centro xeriátrico de Outeiro de Rei. 

Os centros xeriátricos máis afectados son a DomusVi Lugo, en Outeiro de Rei (129 mariores contaxiados), a do Inicio (57), a Nosa Señora do Viso, en Lobeira (46) e a Ballesol de Oleiros (33).