Os diarios galegos asumen a versión da dereita sobre a manifestación españolista
Foi un peche de fileiras. Os diarios galegos en papel asumiron a versión da dereita -nas súas tres variantes e gradacións- sobre a manifestación españolista. Os titulares, que ocupan a apertura dos máis difundidos mentres a masiva protesta contra os recortes sanitarios en Compostela apenas obtén algunha breve mención en portada, falan de “clamor”, “unidad de España” ou “soberanía non negociable”.
En liña coa prensa madrileña conservadora, os rotativos galegos non se refiren á suposto “pinchazo” que si mencionan La Vanguardia -“la escasa movilización de la derecha da aire a Sánchez”- ou El Periódico -”Pinchazo de la derecha”. O ABC abriu cun “España”, La Razón cun “Pinchazo de Sánchez” e El Mundo cun “Elecciones ya” mais entre aspas. El País xogou a non se mollar directamente: “La derecha escenifica su unidad ante decenas de miles de manifestantes”.
Velaquí a posición editorial dos principais diarios galegos en papel expresada nas súas cubertas deste 11 de febreiro:
La Voz de Galicia: “Miles de personas exigen a Sánchez que deje de ceder ante el nacionalismo”.
Faro de Vigo: “PP y C's se arropan con una multitud para exigir: '¡Elecciones ya!”.
El Progreso: “PP, C's y Vox unen fuerzas en la calle para reclamar elecciones”.
El Correo Gallego: “Grito unánime: la soberanía de la nación no es negociable”.
La Región: “Miles de personas defienden la unidad de España y exigen a Sánchez elecciones ya”.
Atlántico: “La unidad de España no se negocia”, entre aspas.
Só La Opinión da Coruña concede a mesma importancia en portada á marcha en defensa da sanidade pública galega, con dúas fotonoticias equivalentes na parte inferior: “Clamor contra los recortes del Gobierno gallego en la sanidad pública” e “PP, C's y Vox reúnen en Madrid a miles de personas en un clima preelectoral”.