Detido o portavoz do PSdeG en Cospeito por un presunto delito de violencia machista

O portavoz do PSdeG no Concello de Cospeito (A Terra Chá), Daniel Irimia, foi detido por axentes da Garda Civil a madrugada do domingo acusado de empurrar a súa parella nunha voda que se celebraba en Vilalba (A Terra Chá).

Segundo fontes consultadas por Europa Press, Daniel Irimia foi detido como presunto autor dun delito de violencia de xénero e atópase á espera de pasar a disposición xudicial.

Os feitos sucederon a última hora da festa cando, ao parecer, o portavoz socialista empurraría a súa parella, que caeu ao chan. Tras iso, unha patrulla da Garda Civil desprazouse ao lugar do enlace e procedeu á detención do home, que foi trasladado a dependencias policiais.