O da madrugada do 10 de agosto foi de 3,4 graos
Celanova: 30 pequenos terremotos nun mes
10 de agosto de 2019 (13:44 h.)
Un terremoto de 3,4 graos na escala Ritcher alterou na madrugada do 10 de agosto o sono dalgunha veciñanza de Celanova. Foi o maior da trintena de tremores que se rexistraron desde o 1 de xullo.
Segundo os datos recollidos polo Instituto Xeográfico Nacional do Goberno estatal, este último terremoto sucedeu ás seis horas e oito minutos da madrugada nun punto entre Celanova, A Merca e A Bola. Notouse en toda a bisbarra, Cartelle, Quintela de Leirado ou Cenelle incluídos.
Segundo os expertos, a actividade sísmica deste mes na zona atópase dentro da media dos rexistros históricos.