Sumar Galiza cualifica Antonio Caamaño como "transfuguista" e exixe a Besteiro a súa expulsión do PSdeG

O secretario xeral do Movemento Sumar Galicia, Paulo Carlos López, exixe ao líder do PSdeG, José Ramón Gómez Besteiro, a "inmediata expulsión" do concelleiro do PSdeG de Outes (comarca de Noia), Antonio Caamaño, por asinar co PP unha moción de censura contra o alcalde, Manuel González (Compromiso por Outes). Así, alude a que "Besteiro ten que elixir se está cos demócratas ou coa dereita".

Nun comunicado remitido aos medios tras coñecerse que o concelleiro socialista —único da corporación— e os edís do PP presentaran unha moción de censura conxunta, Paulo Carlos López asegura que esta moción de censura era "intolerábel" e que respondía a "intereses persoais e non políticos". 

Paulo Carlos López sinala que "non ten sentido predicar valores progresistas para despois darlle gobernos ao PP na Galiza, como fixo en Mondariz e agora en Outes". Alén disto, lamenta que "con este movemento perde a cidadanía de Outes, que viu nos últimos anos como mellorou o seu concello con este Goberno progresista", e sostivo que tamén "diminúe a confianza que o Movemento Sumar Galicia ten no PSdeG como socio fiábel".

Porén, subliña que confía en que Besteiro actúe, expulse inmediatamente ao edil e faga todo o posíbel para paralizar a moción en busca de “aplicar o pacto antitransfugismo e facer todo o posíbel para paralizar a moción”.