Morre un edil de Irixoa por un ataque de velutinas

Ramón José Picos Martínez, edil do PP no Concello de Irixoa (As Mariñas), faleceu tras sufrir un ataque de velutinas. O suceso tivo lugar esta cuarta feira e provocou unha gran consternación na localidade.

Fontes locais indican que o concelleiro foi atacado por velutinas, tipo de insecto invasor perigoso e agresivo, mentres estaba desbrozando nun predio en Teixeiro (Curtis).

Ao lugar desprazouse un helicóptero medicalizado mais a intervención sanitaria non puido evitar o falecemento de Picos.

O concelleiro, de 79 anos, foi despedido pola súa familia e amizades esta quinta feira na parroquia de San Lourenzo.