11 BNG, 9,PP, 4 PSOE e 1 CS
O BNG repite como a lista máis votada en Pontevedra
27 de maio de 2019 (01:33 h.)
Miguel Anxo Fernández Lores recuncará como alcalde de Pontevedra ao obter o BNG 11 actas, fronte ás nove do PP e as catro do PSOE e a acta de Ciudadanos. Perde a representación Marea Pontevedra.
O BNG continuará afianzando o seu premiado modelo de cidade en Pontevedra ao conseguir 11 actas, unha menos que en 2015, cando obtivera o 43,08% dos votos. Como segunda forza sitúase o PP, que sobe de sete a nove edís e do 27,1% ao 30% dos apoios.
O PSOE, pola súa banda, sobe dos tres aos catro edís e do 10,81% ao 14% das papeletas, e Ciudadanos mantén a súa acta cun 5,09% dos apoios.
Perde a representación a Marea de Pontevedra, que contaba con dous edís e o 8,14% dos votos (agora obtén o 3,5%).