Palabras con memoria: vestir a lingua

 espaxarelado/a.- Co pescozo ao ar, desabrigado. Desgargallado/a, desalarpado/a, especozado/a.

Lugar de escoita.- Lamas do Biduedo, Vilarantón.

Fonte.- ENDL de Navia.

 

espescozado/a.- Co pescozo ao ar, desabrigado. Desgargallado/a, desalarpado/a, espaxarelado/a.

Lugar de escoita.- A Fonsagrada.

Fonte.- ENDL de Navia.

 

furelos.- (Ademais de significados xa rexistrados) Tipo de calzado que se usa para o traballo, de feitura similar a un zapatón, pero de material non impermeábel (como unha lona marrón).

Exemplo.- “Tes os furelos desatados, aínda has caer!”

Lugar de escoita.- Santiago de Compostela.

Fonte.- Ana Rial.

 

pilerina.- Vestido tecido coa la da ovella para abrigar no inverno.

Lugar de escoita.- Eidián- Agolada (Pontevedra).

Fonte.- Mercedes Castiñeira/ C.D.D. Saraiva.

 

roupón.- (Ademais de significados xa rexistrados) Manta feita de xeito artesanal no tear do país.

Lugar de escoita.- O Courel.

Fonte.- Dun vocabulario courelao.