Palabras con memoria: olores

cheirar a ruda.- Oler mal, feder.
Lugar de escoita.- Muxía.
Fonte.- Proxecto Buserana de Muxía.

focotexo.- Cheiro insoportábel, fedor; cheiro a mortizo ou a animal morto.
Lugar de escoita.- Palmeira.
Fonte.- Constantino Prego.

frescún.- Cheiro que collen as cousas: pratos mal lavados, sabas gardadas?, parecido a ovos podres.
Lugar de escoita.- Peitieiros (Gondomar).
Fonte.- Marta Dacosta.

golfarón.- (Ademais de significados xa rexistrados) Fedor, cheiro vivo e fedorento percibido de súbito.
Lugar de escoita.- Navia de Suarna.
Fonte.- ENDL Navia de Suarna.