Palabras con memoria: limpeza (non total)

albeado.- (Ademais de significados xa recollidos) Dise do que está excesivamente limpo, que reloce.
Exemplo.- "Estivo toda a tarde limpando na casa e quedou todo albeado".
Lugar de escoita.- Burela (Mariña luguesa).
Fonte.- Mario Ferreira.

arriolar.- (Ademais de significados xa rexistrados) Aviar, ordenar, preparar.
Exemplo.- "Arriolar é meter as vacas, as cabras", "Arriola algho por aí", "Logho hai que arriolar para marchar".
Lugar de escoita.- Santa Mariña (Covelo).
Fonte.- Sé Anxo Rosales González.

escofonar.- Limpar algo fregando moito.
Exemplo.- "Está tan dexoso que terá que botar unha hora enteira escafonando".
Lugar de escoita.- Son. Navia de Suarna.
Fonte.- Raquel de Son/Endl Navia de Suarna.

eslavuxar.- Botarlle auga a un trapo ou na boca ao lavala.
Lugar de escoita.- Vilalba e Terra Chá.
Fonte.- María Ladra Fraga.
Outros apuntamentos.- Centro de Día de Abadín.

tambo.- (Ademais doutros significados xa rexistrados) Vertedoiro.
Lugar de escoita.- San Pedro da Ramallosa (Nigrán).
Fonte.- Naia Fernández Leyenda. Enviada por Isabel Fernández Vidal.