Palabras con memoria: con máis ou menos tamaño

cisgallada.- Pouca cousa, pouca cantidade.

Exemplo.- “Tocouche a lotaría, mamá? Boh!, unha cisgallada, muller; nada.”

Lugar de escoita.- Roupar- Xermade (Lugo).

Fonte.- Mar de Roupar.

 

escoufrado/a.- Persoa vella e moi delgada.

Lugar de escoita.- O Courel.

Fonte.- Dun vocabulario courelao.

 

funduxa/o.- Pequena/o, de pouca estatura.

Exemplo.- “Esa nena é unha funduxa.”

Lugar de escoita.- Cerceda.

Fonte.- Nuria Viña Lada/ CPI O Cruce de Cerceda.

 

garigolo.- Bochinche, cuarto pequeno.

Lugar de escoita.- Unha ampla zona de Galiza.

Fonte.- Colexio de Navia de Suarna/ENDL Navia de Suarna.

 

pedro/pedrolo (ser un).- Nena á que lle gustan os xogos brutos e arriscados de nenos.

Lugar de escoita.- O Porriño.

Fonte.- Pedro Salgueiro Sexto.