Lingua mollada
Nova edición das 'Palabras con memoria' desde a AELG.
atortorar.- Verbo que significa dar voltas ao tortor, que en terminoloxía náutica designa cada unha das voltas con que se retorce, por medio dunha panca, a trinca de cortiza que liga dous obxectos afastados entre si.
Lugar de escoita.- De catro a catro e outros textos de Manuel Antonio.
Fonte.- Ismael Viñas Montes de Oca.
chamar.- (Ademais de significados xa rexistrados) Tirar, palmear unha corda ou palangre.
Lugar de escoita.- Muxía.
Fonte.- Proxecto Buserana de Muxía.
magúas.- Conxunto de peixe pequeno utilizado para isco.
Exemplo.- “Levaba unha caixa con magúas para o isco.”
Lugar de escoita.- O Morrazo.
Fonte.- Xosé Euxenio Martínez Rial.
Outros apuntamentos.- Grupo Maré do Morrazo, formado por Salvador Castro Otero, Lucía Durán Paredes, Xosé Manuel González Barreiro, Henrique Harguindey Banet, Xosé Martínez García, Ramón Rocamonde Gómez e María Emma Tilves Pazos.
tarabelo.- (Ademais de significados xa coñecidos) Instrumento de madeira para encarnar as nasas.
Lugar de escoita.- Muxía.
Fonte.- Proxecto Buserana de Muxía.
xaramiño.- Irisación sobre o mar ou os tombos do mar que fan os remuíños de vento de forma esporádica.
Lugar de escoita.- Muxía.
Fonte.- Proxecto Buserana de Muxía.