Portugal volve confinar 19 das 24 freguesías de Lisboa por un brote da COVID-19
26 de xuño de 2020 (13:11 h.)
Durante catro días seguidos houbo máis novos contaxios que altas.
O goberno portugués decretou o confinamento de 19 das 24 freguesías de Lisboa debido ao brote de COVID-19 nos últimos días. O obxectivo da medida é reducir a transmisión e optimizar a atención sanitaria, segundo o xornal Público. Só se pode saír para facer compras e ir traballar.
Portugal informou durante catro días seguidos de máis contaxios que altas e a maioría, case 80%, están na área metropolitana de Lisboa. Tamén houbo seis mortes na capital portuguesa. Segundo a cifra oficial, o rexistro total desde o inicio da pandemia é de 40.415 casos e 1.549 mortes.