As condenadas lamentan a sentenza: “É un día triste para a democracia”
As primeiras valoracións dos presos e presas independentistas sobre a resolución do alto tribunal que lles impón importantes condenas de prisión plásmanse nas redes sociais.
“Se xulgasen os feitos, absolveríannos. Como xulgaron as ideas, condenáronnos”. Así se expresou Josep Rull, ex membro do Govern e preso independentista, na súa conta de twitter pouco despois de se coñecer a sentenza que condenaba as persoas xulgadas no Supremo polo ‘procès’. A el o alto tribunal condénao a 10 anos e medio de cárcere.
Un medio, as redes sociais, ás que recorreron outras condenadas, como Carme Forcarell (11 anos e medio de prisión), que considera que “hoxe a democracia vive un día escuro”, engadindo que “o derrotismo non nos vencerá”.
“Ningunha sentenza mudará as aspiracións políticas de millóns de cidadáns”, escrebe pola súa banda o ex conseller Raül Romeva.