Portugal pon 2025 como data de inicio dos traballos da alta velocidade

Portugal acelera o seu proxecto de construción da Liña de Alta Velocidade (LAV) entre as cidades de Lisboa e Porto, confirmando a vontade deste país de dar prioridade á conexión coa Galiza fronte a outras, como a comunicación con Madrid. A presentación, o pasado 12 de xaneiro, da licitación dentro da primeira fase, entre Porto e Soure (Distrito de Coímbra), do tramo entre a cidade do Douro e Oiã, en Aveiro, abre a porta para que as empresas e consorcios concorran ao proxecto antes do 13 de xuño. Desta maneira, comeza o seu camiño un dos maiores proxectos de infraestruturas que están previstos a nivel europeo (orzamentado en 8.000 millóns de euros, 3.000 millóns máis que o cálculo inicial) que beneficiaría á Galiza se remata por ter continuidade até Vigo. Galiza e Portugal, unha identidade que traspasa fronteiras: Porto expón obras que se interrogan sobre o territorio común A nova liña de alta velocidade, cunha lonxitude de 290 quilómetros, permitirá conectar, cando estea rematada, as dúas principais cidades de Portugal nunha hora e 15 minutos, rebaixando a menos da metade o tempo que se tarda coa liña ferroviaria actual (2 horas e 49 minutos). Unha das súas características, confirmada xa, é que contará, de maneira definitiva, co ancho ibérico. O vicepresidente de Infraestruturas de Portugal (IP), Carlos Fernandes, esclareceu que esta decisión se adoptou como consecuencia de que "a linha entre Vigo e a Corunha está já construída em bitola ibérica e o governo espanhol manifestou já que não vai migrar essa linha, porque essa linha é usada para um conjunto de funções dentro da Galiza". Tres fases O proxecto que se inicia agora está dividido en tres fases. Este primeiro tramo que comezou a súa tramitación, entre Porto e Oiã (71 quilómetros), iniciará as obras nos primeiros meses de 2025 e a infraestrutura estará concluída, segundo adiantan, en 2030. Mentres, o trazado entre Aveiro e Soure comezará tamén en 2025 e finalizará a finais de 2030. Unha vez rematados ambos os dous tramos, o traxecto do Porto até Lisboa tardará 1 hora e 59 minutos. A segunda fase comunicará Soure e Carregado, no municipio de Alenquer (Distrito de Lisboa), cun concurso previsto para 2026 e unha execución que se estenderá de 2027 a 2032. Con iso recortarase o tempo do traxecto final en 1 hora e 19 minutos. Por último, a terceira fase, entre Carregado e Lisboa, que aínda non ten data oficial, facilitará que a viaxe dure unha hora e 15 minutos. Néstor Rego reclama prioridade para a alta velocidade entre Vigo e Porto A conexión coa Galiza até Vigo, que deixaría a cidade olívica a 50 minutos do Porto, está sobre a mesa do Executivo portugués e da Comisión Europea, mais sen datas polo de agora. Segundo o propio Carlos Fernandes, a conexión coa Galiza tería dificultades para estar rematada en 2030 e sinalou que aínda nas vindeiras semanas está prevista a actualización do estudo entre Braga e Valença (Distrito de Viana do Castelo), polo que o concurso podería demorarse un ou dous anos. Satisfacción no Eixo Atlántico A aposta portuguesa pola conexión con Vigo tamén quedou patente esta quinta feira durante unha conferencia do presidente de IP, Miguel Cruz, organizada polo xornal económico luso ECO. Nela asegurou que “a ligação a Madrid também tem uma determinada importância" mais en relación a "ser prioritária em relação à escolha Lisboa-Porto e Porto-Vigo, a resposta é não”. Neste sentido, ademais, lembra que Portugal xa ten por diante un “investimento pesado do ponto de vista financeiro, de capacidade da empreitada. Não podemos fazer tudo ao mesmo tempo. Precisamos ter este processo a correr bem e dentro dos prazos" na conexión Lisboa-Porto-Vigo). A alta velocidade entre Vigo e Porto enfronta Portugal e España Esta posición coincide coa manifestada polo presidente do Eixo Atlántico, Luís Nobre, e o seu secretario xeral, Xoán Vázquez Mao, o pasado día 1 de febreiro na conferencia de prensa tras a celebración da asemblea xeral deste organismo en Vila Nova de Famalicão (Distrito de Braga), na que afirmaban que “Lisboa, loxicamente, terá que ter dúas conexións, que non son incompatíbeis, mais a conexión Lisboa-Porto-Vigo-A Coruña é prioritaria por ser a máis estruturante, tanto en Portugal como na Galiza”. Así mesmo, nese mesmo acto, explicaron que “se trata da liña que comunica todas as grandes cidades nas que habitan a maior parte da poboación, portos, aeroportos, universidades, ademais de centros tecnolóxicos e empresariais”. Mal servizo Comboios de Portugal (CP), a empresa pública lusa de transporte ferroviario e principal operadora ferroviaria do país, afirma que en 2023 había 442 unidades en circulación, 12 máis que en 2022 e un 18% máis en comparación con 2019, cando había 375 unidades. Segundo un estudo de IP feito público en 2018, ao redor de 60% das súas vías ferroviarias eran "mediocres" ou "malas". Ademais, entre outras conclusións, alertaba de que a rede suburbana de Lisboa está peor que a do Porto. Corroboran esta situación as queixas que polo seu funcionamento realizan as usuarias e os usuarios do país veciño. En xaneiro deste ano, a través dun comunicado, CP recoñecía que en 2023 tivo problemas coa puntualidade e regularidade dos trens mais defendía que "a maioría destes" tiñan orixe en "causas externas á explotación dos trens", como por exemplo as folgas que viviu. Porén, recoñecen que hai "retos que superar". O embaixador de Portugal no Estado español pide a conexión de alta velocidade coa Galiza para 2030 António Costa: "A ligação Lisboa-Porto-Braga e Braga-Vigo é fundamental" A presentación por parte do Goberno portugués o pasado 12 de xaneiro do concurso para o primeiro tramo da fase inicial da Liña de Alta Velocidade (LAV) entre as cidades do Porto e Lisboa, relativas ao traxecto que uniría as estacións de Campanhã e Oiã, foi, ademais, toda unha declaración de intencións de cara ao plans do país veciño en relación ao seu plan de mobilidade internacional. No acto, o Primeiro Ministro de Portugal, António Costa, defendeu en público que a iniciativa "corresponde a uma visão do nosso território, da nossa estratégia de desenvolvimento e da nossa inserção no continente europeu”. Costa reiterou durante o evento, para non deixar dúbidas, que "a ligação Lisboa-Porto-Braga e Braga-Vigo é absolutamente fundamental também para aquilo que é a lógica que devemos ter na nossa inserção na rede europeia e, desde já na rede ibérica, de alta velocidade". As obras do tren de Alta Velocidade que conecta Vigo con Porto comezarán no ano 2026 Nesta primeira licitación tamén se deixou ver o funcionamento que empregará Portugal para desenvolver a LAV. O contrato para o primeiro tramo da alta velocidade en Portugal contempla un prazo de 30 anos, cinco para construción e 25 para o mantemento da plataforma. Ademais, as estacións de ferrocarril existentes ao longo do perccorrido adaptaránse, non só para acomodarse á Alta Velocidade, tamén para dispór de novos servizos adecuados ás pasaxeiras e aos pasaxeiros. O proxecto prevé tamén a construción dunha nova estación ferroviaria en Vila Nova de Gaia (Distrito de Porto), na zona de Santo Ovídio.